Սամվել Կոսյան

Սամվել Կոսյան
Ծնվել է	հունվարի 24, 1947(1947-01-24) (77 տարեկան)
Ծննդավայր	Երևան, Հայկական ԽՍՀ, ԽՍՀՄ
Մասնագիտություն	բանաստեղծ և դրամատուրգ
Կրթություն	Երևանի պետական համալսարան
Անդամակցություն	ՀԳՄ
Աշխատավայր	Գրական թերթ
Պարգևներ	Հայաստանի մշակույթի նախարարության ոսկե մեդալ
Սամվել Կոսյան Վիքիդարանում

Սամվել Նորայրի Կոսյան (հունվարի 24, 1947(1947-01-24), Երևան, Հայկական ԽՍՀ, ԽՍՀՄ), հայ բանաստեղծ, լրագրող, դրամատուրգ, Հայաստանի գրողների միության անդամ (1976 թ.)։

Կենսագրություն

Ծնվել է 1947 թ. հունվարի 24-ին, Երևանում։ Ավարտել է ԵՊՀ ժուռնալիստիկայի ֆակուլտետը։ Աշխատել է մի շարք խմբագրություններում, 1995-2003 թթ. ծառայել է ՀՀ զինված ուժերում։ 2004 թ. աշխատում է «Գրական թերթ»-ում որպես պատասխանատու քարտուղար, այնուհետև՝ գլխավոր խմբագիր։ Հեղինակ է մի շարք ժողովածուների, թատերգությունների, գրում է նաև մանուկների համար։ Նրա թատերգությունները բեմադրվել են Հովհ. Թումանյանի անվան տիկնիկային և Համազգային թատրոններում։

Կոսյանի սցենարներով նկարվել են մուլտիպլիկացիոն կինոնկարներ։ Զբաղվել է նաև թարգմանությամբ, ունի թարգմանական ժողովածուներ։ Թարգմանվել է ինչպես նախկին խորհրդային հանրապետությունների լեզուներով, այնպես էլ՝ գերմաներեն, ֆրանսերեն, պարսկերեն, անգլերեն։

Երկեր

• Ցավի հետքը, Եր., 2004 թ.
• Եվ պատերազմի շուրթերը թաց, Եր., 1995 թ.
• Օրվա աստիճանները, Եր., 1989 թ.
• Լուսաբացի թռչուն, Եր., 1984 թ.
• Դեպի տունը երգի, Եր., 1981 թ.
• Գույներ, Եր., 1976 թ.
• Չկա կամք՝ չկա ճանապարհ (մենագրություն), Եր., 2000 թ.
• Գուցե փրկվենք (պարսկերեն), Իրան, 2003 թ.
• Գալիս եմ դեպի քեզ (պիեսներ), Եր., 2003 թ.
• Կիսաբաց հուշեր, Եր., 2008 թ.
• Հույսը շարունակելի (պիեսներ) 2013 թ.
• 0.75 գրամ դատարկություն 2014 թ.

Մանկական

• Հայրիկ ասա, Եր., 2003 թ.
• Զվարճալի այբբենարան, Եր., 1997 թ.
• Զվարճալի թվաբանություն, Եր., 1996 թ.
• Ուրախ թվաբանություն, Եր., 1990 թ.
• Ծիրանը կուտ է կերել, Եր., 1986 թ.
• Այ քեզ աշխարհ, Եր., 1980 թ.
• Ջուրն ու կապույտ ձին, 2010 թ.
• Ամենատխուր և ամենաուրախ գառսունոտնուկը 2015 թ.

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Ագապի Մկրտչյան, Երազներ Արևմուտքի և Արևելքի միջև, Եր., 2004 թ.
• Ալեքսանդր Ռուդենկո, Իմ կինը կախարդուհի է, Եր., 1998 թ.
• Կրասոմիրա Ստոյանովա, Վանգա կամ գուշակի անկեղծությունը, Եր., 1991 թ.
• Վիտաուտաս Բարաուսկաս, Օրորոցային, Եր., 1983 թ.

Պարգևներ

• Արժանացել է Ստեփան Զորյանի անվան գրական մրցանակի 1990 թ։
• «Գուցե փրկվենք» պիեսն Իրանի միջազգային թատերական փառատոնում արժանացել է Գրան Պրիի 2004 թ։
• Լևոն Շանթի անվան ՀԳՄ ամենամյա մրցանակ 2009 թ։
• ՌԴ հայերի միության, , Գրականություն - դար 21, , մրցանակաբաշխության մրցանակ պատմվածաշարի անվանակարգում 2010 թ։
• ՌԴ հայերի միության, , Գրականություն - դար 21, , մրցանակաբաշխության մրցանակ արձակի անվանակարգում 2014 թ։
• ՀՀ մշակույթի նախարարության ոսկե մեդալ, 2014 թ։
• ՀՀ թատերական գործիչների միության «ԱՐՏԱՎԱԶԴ» մրցանակ 2016 թ։
• ՀԳՄ Ավետիք Իսահակյանի անվան մրցանակ «Բառերը հենարան չեն այլևս» գրքի համար, 2017 թ.:

Աղբյուրներ

• Ս. Կոսյանի մասին «Գրական կամուրջում»

Վիքիդարանն ունի նյութեր, որոնք վերաբերում են «Սամվել Կոսյան» հոդվածին։